Udala berehala jarri zen udalekuak kudeatzen dituen enpresagaz harremanetan, eta, haiek, begirale talde berri bat bidaliko zutela jakinarazi zieten. Hala ere, udaleko bi teknikari Villaluengara joan ziren egoera bertatik bertara egiaztatzeko asmoz: eraikina obretan zegoela eta gutxieneko baldintzak betetzen ez zirela ikusi zuten. Gauzak horrela, udalekuak bertan behera uzteko hautua egin zuen Udalak, eta, era berean, familiei egoeraren berri eman ostean, gazte guztiak Sopelara bueltan ekartzea erabaki zuten.
Itzultzerakoan, Guruzne Carrasson alkatea, Itziar Lazaro Kultura zinegotzia eta udal teknikariak familiakaz bildu ziren egoeraren inguruko azalpenak emateko.
Sopelako Udalak eskerrak eman gura dizkie familiei egoera ulertzeagatik eta ustekabeko egoera honen aurrean, arduraz eta prebentzioz jokatzeagatik. Familiei udalekuetako dirua itzuliko zaie. Gainera, udal teknikariek enpresagaz kontratua bertan behera uzteko tramiteak hasiko dituzte, eta enpresak erantzukizuna bere gain hartzeko bideak aztertuko dituzte.