Sopelako Udalak, Toki Garapeneko Sailaren bidez, iaz lehen aldiz sinatu zuen hitzarmena berritu du Sopelako Merkatarien Elkarteagaz. Hala, elkarteak 15.000 euroko ekarpen ekonomikoa jasoko du, tokiko merkataritza sustatzeko antolatutako ekimen eta jarduerak garatzeko.
Arduradunek azaldu dutenez, berritasun nagusietako bat sare sozialen irekiera izango da; izan ere, elkarteak @gertusopela kontua sortu du, eta bertatik emango du bere jardueren berri, hala nola sustapen-kanpainak eta ekitaldien informazioa.
Hitzarmen honen bidez, Udalak eta elkarteak tokiko merkataritza sarearen biziberritzea eta lankidetza publiko-pribatua indartzea bilatzen dutela azpimarratu dute, herritarrei gertuko eta kalitatezko zerbitzua eskaintzen jarraitzeko.