Natura, kirola eta musika uztartzen dituen jaialdi honek adin eta publiko mota guztietarako ekintzak biltzen ditu bere egitarauan. Kirolari dagokionez, surfa izango da nagusi; izan ere, EHSF surf txapelketa, kayak surfa eta surf egokitua egongo dira, besteak beste.
Hala ere, bestelako kirol diziplinek ere izango dute lekua, tartean, skatea, ginkanak eta Tai Ji egiteko aukera egongo da. Horiez gainera, askotariko tailerrak, argazki-lehiaketak eta erakusketak zein bisita gidatuak antolatu dituzte, beste kontu batzuen artean. Toki Garapen Sailak bultzatuta, Surf & Skate Market-a ere egingo dute bigarren aldiz.
Dena den, musika izango da Sopela Kosta Festeko protagonista nagusiena. Hala, aurten, Süne, Manny Calavera, Moonshine Wagon, Izaki Gardenak, Airu eta Ziztada & Rlantz taldeen kontzertuez gozatzeko aukera egongo da.
Izen-emateak datozen asteetan jarriko dituzte martxan, eta informazio guztia sopelakostafest.eus atarian eta jaialdiaren sare sozialetan egongo da eskuragarri.