Bihar, irailaren 20an, Sopelan Termometrada izeneko ekintza abiatuko dute. Horren helburua da hirietako puntu ezberdinetako tenperaturak neurtzea herritarren parte-hartzearen bidez, bero-boladek hirietan duten eragina ikusarazteko. Espainiako estatuko 67 herri baino gehiago ari dira parte hartzen, 12 autonomia erkidegotan. Halaber, 40 elkarte baino gehiago inplikatuta daude. Neurketak hiru ordu zehatzetan egingo dira: 08:00etan, 17:00etan eta 23:00etan. Informazio gehiago, hemen.
Jasotako tenperaturak zuzenean igoko dira mapa batera eta hiri eremuak hiru kategoriatan sailkatu dituzte: infernua, zoladura, zuhaitzik gabe; erdibidekoa, zoladura baina zuhaitzakaz edo lur naturala baina zuhaitzik ez eta paradisua, lur naturala eta zuhaitzak.
Ekintza klimatiko honetan guztira 600 termometro banatuko dira herritarren artean. Antolatzaileak dira Fridays For Future, Salvemos Nuestros Bosques, Barrios Por El Clima eta Ecologistas en Acción.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!