Alde batetik, dantza-eskolak martitzenetan izango dira, 17:00etatik 18:00etara, 8 urte arteko umeentzako, Kurtzio Kultur Etxean, eta 19:00etatik 20:30era helduentzako, Zipiriñe eskolan. Domeketan, berriz, 11:45etik 14:30era, 8 urtetik gorakoentzako dantza-taldeak bilduko dira frontoian, adinaren arabera talde bitan banatuta.
Bestalde, pandero eskolak eguaztenetan emango dira, 18:00etatik 20:30era, Kurtzio Kultur Etxean, eta joaldunen taldeak irteerak prestatuko dituzte urtean zehar, parte hartu gura duen orori ateak zabalik daudelarik.
Elkarteko arduradunek azaldu dutenez, "Meñakozen helburua da Sopelan eta inguruko herrietan euskal kulturaren transmisioa eta bizi-iraupena bermatzea, belaunaldi berriak inplikatuz eta kulturaren inguruko komunitate bat sendotuz".
Hala, izen-ematea irekita dago, eta informazio gehiago eskura daiteke posta elektronikoan (menakozkulturelkartea@gmail.com) edo 615 701 542 (Laura) telefonoan. "Elkarrekin dantzatu, jo eta sentitu; euskal kulturaren bihotzak Sopelan jarraitzen du taupaka", adierazi dute Meñakozetik.
