"Jaiak errealitate bihurtzeko eta gure jai-eredua indartu eta aberasteko herriaren inplikazioa ezinbestekoa da. Jai-batzordean ateak beti daude zabalik bere ekarpenak egin nahi dituen edozein", adierazi dute deialdia egin duten herritarrek. Azpimarratu dutenez, horren parte diren kolektibo eta norbanakoei egiten dute aurrera jaiek, baina horiek "koloretsuak, parekideak, herrikoiak eta dibertigarriak" izatea denen esku dago.
Hala, jai-batzordearen dinamika ezagutu gura dutenek eta urtean zehar egiten diren bileretan parte hartu gura dutenei bat egitera deitu diete. "Jaiak heltzerakoan, antolakuntzan zure aletxoa jarri nahi baduzu, animatu zaitez eta etorri", dei egin dute.