Festa-giroa 19:00etan piztuko da poteo musikatu bategaz, eta lehen beroketa eginda, pintxo-afaria izango da jarraian Eleizaldeko kioskoaren inguruan. Ordu bete geroago, 21:00etan, Mauxitxa Txaranga kalez kale ibiliko da Sopelako taberna eta txokoak alaitzen, eta oraindik batu ez direnei gonbidapen zuzena eginez.
Ohitura bihurtu den otzara zozketa ere antolatu dute bertako kuadrillek eta, jakina, edonork irabaz dezake! Une berean, 23:00etan, urte amaierako errituala mantendu gura dutenek mahatsak erosteko aukera izango dute, gauerdian ospatuko diren kanpaikadetan erabiltzeko.
Eta amaitzeko… 00:00etan kanpaikadak! Urte amaiera aurreratu bat, lagunartean eta giro bikainean. Mahats guztiak jateko gai izango zarete?
19:00 - Poteo musikatua
20:00 - Pintxo-afaria Eleizalde kaleko kioskoan
21:00 - Mauxitxa Txaranga kale eta tabernetan zehar
23:00 - Otzara zozketa eta mahatsen salmenta Eleizalde kaleko kioskoan
00:00 - Kanpaikadak Azkena Eta Etxera kuadrillaren eskutik Eleizalde kaleko kioskoan
