Neurriak bi helburu nagusi uztartu nahi ditu. Alde batetik, ingurune naturalaren babesa eta bestetik, hondartzaren segurtasuna. Arrapala mantentzea larrialdietako ibilgailuentzat eta sorospen-zerbitzuentzat bereziki garrantzitsua da, Barinatxek erabiltzaile ugari hartzen baititu urte osoan zehar.
Proiektuaren ardatz nagusia, hala ere, duna-kordoiaren berreskurapena da. Horretarako, dunaren gainean dauden elementu eraikiak kentzea aurreikusita dago, 350.000 euro inguruko inbertsioagaz. Honek hondartzaren babes naturala indartzea du helburu, klima-aldaketaren ondorioei aurre egiteko.
Bestalde, Sopelako Udalak iragarri du surf eskolekaz datozen egunetan harremanetan jarriko dela, proiektuaren eragina aztertzeko eta haien jarduera egoera berrira egokitzeko. Udalaren arabera, trantsizio horri aurre egiteko bitartekoak daude, eta zerbitzua normaltasunez eskaintzen jarraitzea du xede, betiere jarduera ekonomikoa eta lanpostuak arriskuan jarri barik.