Ur hornidura etenaldia egongo da gaur Sopelan, sareko matxura bat dela eta

Izaro Garcia 2026ko urtarrilaren 12a

Sopelako Akilino kalea, artxiboko irudian.

Sopelan uraren hornidura eten egingo da gaur, urtarrilak 12, sareko matxura bat konpontzeko lanak direla eta. Aurreikuspenen arabera, etenaldia 09:00etatik 14:00etara luzatuko da.

Etenaldiak Akilino Arriola eta Errotabarri kaleetako zenbait atariri eragingo die. Zehazki, honako hauek izango dira kaltetutako guneak:

  • Akilino Arriola kalea: 50, 58, 60 eta 62 zenbakiak

  • Errotabarri kalea: 2-A eta 2 zenbakiak

Lanek iraun bitartean sor daitezkeen eragozpenengatik barkamena eskatu dute arduradunek, eta jakinarazi dute konponketa amaitu bezain laster berrezarriko dela hornidura.

Zalantzak edo informazio gehiago behar izanez gero, BBUPko Udal Sareen Zuzendariordetzagaz (Sopela) harremanetan jartzeko aukera dago.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun