Prozeduran parte hartu ahal izateko, agindua argitaratzen den egunean honako baldintzak bete behar dituzte hautegaiek: Sopelan gutxienez hiru urtez erroldatuta egotea (salbuespenak daude mugikortasun urrirako eta genero-indarkeriaren biktimentzat), Etxebiden alokairuko eskatzaile gisa alta emanda egotea Sopelan, 2024ko diru-sarrera haztatuak 9.000 eta 46.463,29 euro artekoak izatea eta bizikidetza-unitatea sei kide baino gehiagokoa ez izatea.
Izen-ematea egiteko, epe barruan hiru bide daude: telematikoki Etxebideren webgunean, aurrez aurre Zuzenean bulegoan edo postaz Bizkaiko Etxebizitzako Lurralde Ordezkaritzara idatzita (Kale Nagusia 85, 6. solairua). Administrazioak adierazi du baldintzak betetzen dituztenek gutun edo mezu bat jasoko dutela izen-emateko datuakaz.
Azken ohar gisa, jakinarazi dute baldintzak bete gabe izena emanez gero eskatzaileak prozeduratik baztertuko dituztela, eta izena emanda esleitutako etxebizitzari uko eginez gero, salbuespenak salbuespen, Etxebidetik baja eman eta urtebetez ezin izango direla berriz alta eskatu.