Ekimenak belaunaldi desberdinen arteko erosketa-ohiturak lotu gura dituela azaldu dute udal-iturriek, arreta berezia jarriz gazteengan, izan ere, beraiek dira tokiko produktuak ezagutzeko zailtasun gehiago izan ditzaketenak, eta adinekoengan, tresna digitalen erabileran murgilduta daudenak.
Zeregin horretarako, ikus-entzunezko hiru pieza grabatudituzte elikaduraren sektoreko hiru establezimendu enblematikotan: Belda Eco&Bio dietetika, Zelai fruta-denda eta Pili arrandegia. Bideo hauetan, merkatarien eta bezeroen arteko eguneroko harreman naturala erakusten da, eta azpimarratzekoa da parte hartu duten hiru bezeroak Sopelako bizilagunak direla, esperientzia bertatik bertara bizi izan dutenak.
Sopelako komertzioak. Bereziki hurbilekoak lelopean, kanpainak saltoki handietan aurkitzen ez den entzute aktiboa eta hurbiltasuna transmititu gura dituela azpimarratu du Eder Garcia Toki Garapeneko zinegotziak. Hala, bideo hauek merkatarien eta kontsumitzaileen arteko lotura sendoa islatu gura dute, eta eskerrak eman dizkie parte-hartzaileei erakutsitako inplikazioagatik. Zinegotziaren hitzetan, Udalak lanean jarraituko du herriko ekonomia sustatzeko eta tokiko merkataritzaren eskuragarritasuna eta kalitatea hobetzeko datozen urteetan.