Gertakaria apirilaren 16an, goizean izan zen, 10:00ak baino lehenago. Gidariak substantzien eraginpean gidatzen ari zela jakinarazi zioten Ertzaintzari. Bertaratutako agenteek gizonezkoa jarrera urdurian zegoela ikusita, agenteek drogen testa egitera behartu zuten, eta emaitza positiboa izan da.
Gainera, gizona miatu zutenean, hauts zuria zuen poltsatxo bat eta bederatzi pilula aurkitu zizkioten. Hori dela eta, bide-segurtasunaren aurkako ustezko delitu batengatik atxilotu zuten gizonezkoa. Horrez gain, herritarren segurtasuna babesteko legearen arabera, zehapen administratiboa ere proposatu zioten drogen edukitzeagatik.
Atxilotua Getxoko ertzain-etxera eraman zuten dagozkion eginbideak betetzeko, eta behin horiek amaituta, epailearen esku utziko dute. Tren turistikoa geldiarazi egin zuten, eta ikasleak beste autobus batean eraman zituzten ikastetxera.