Gertatutakoaren aurrean, Udalak diziplina-espedientea berehala ireki duela adierazi du, zerbitzu publikoaren jardun egokia bermatzeko eta herritarrek erakundeengan duten konfiantza zaintzeko helburuagaz.
Horrez gain, kautelazko neurriak ere hartu ditu: agenteari behin-behinean enplegua eta soldata eten dizkiote, eta zerbitzuko arma zein laneko txartela kendu dizkiote, ikerketa garatzen den bitartean eta gertakariak argitu arte.
Udalak azaldu du agintaritza eskudunakaz elkarlanean jarraituko duela, eta prozeduraren bilakaeraren arabera hartuko dituela dagozkion erabakiak, bai jarduketa judizialen bai administratiboen emaitzak kontuan hartuta.
Prozedura irekita dagoenez eta datu pertsonalen babesa bermatzeko, Udalak ez du informazio gehiagorik emango agentearen identitateari edo ikerketaren edukiari buruz.