Azken urteotan gertatutako hainbat lur irristatzek arrapalaren erabilera normalizatua eragotzi dute, eta, ondorioz, ibilgailuentzako eta oinezkoentzako sarbidea itxita geratu da; bakarrik garbiketa eta larrialdi zerbitzuetako ibilgailuak sar daitezke. Udalak azaldu duenez, Barinatxe hondartzarako sarbide hori ezinbestekoa da garbitasuna, segurtasuna eta irisgarritasuna bermatzeko. Hori dela eta, bidein ingeniaritzak sei aukera eman ditu mendi hegaleko ezponda egonkortzeko eta, hala, hareatzara sartzeko arrapala egonkortzeko.
Aukera horiekaz, erabiltzaileengan eta zerbitzuengan duen eragina, eta ingurumena eta kostu ekonomikoa kontuan hartu eta gero, mendi hegala sare bidez egonkortzea aukerarik onena dela erabaki dute. Alde horretatik, hasiera batean, 400.000 euroko inbertsioa egin beharko da, eta, gerora, urtero, 30.000 euroko mantentze lanak egin beharko lirateke.
Sopelako Udalak azpimarratu duenez "oso garrantzitsua da administrazioen arteko lankidetza Barinatxe hondartzaren arazo konplexuari erantzuteko"; izan ere, hareatza horrek, 2025eko udan, 171.000 bisitari jaso zituen.