Santa Marina jaietan ohitura zaharrek badute lekua oraindino. Erromeriak, bertsoek eta elkarregaz batzeko modu horrek erakusten dute tradizioa ez dela erakusleiho batean gordetzen den zerbait; erabiltzen denean, bizi dela, hain zuzen. Eta hemen, belaunaldi batek besteari pasatzen dio lekukoa, kantuan, barre artean edo mahai baten bueltan.
Kalejira, meza nagusia, ohorezko aurreskua, hamaiketakoa eta bazkaria izango dira egunean zehar, eta arrastian erromeriak emango dio jaiari azken bultzada. Baina egitarautik harago, horien atzean dagoena da garrantzitsuena: auzoko ohiturei eustea, elkar ikusteko aitzakia izatea eta belaunaldien arteko haria bizirik mantentzea.
Uztailak 20
- 10:00 Kalejira Barinatxe Txistu taldearen eskutik. Motorrak berotzen hasteko plan ezin hobea!
- 11:00 Meza nagusia Santa Marina Baselizan.
- 11:30 Ohorezko aurreskua eta lore-eskaintza Fernando Ansoleagaren omenez.
- 12:00 Bertaratzen direnentzat mokadutxoa egongo da, trikitiaren soinuagaz lagunduta.
- 14:00 Bazkari herrikoia. Hurbildu zaitez zure lagun taldeagaz bazkaltzera!
- 17:00 Patata tortilla lehiaketa. Nork prestatuko ote du tortilarik onena? Zure sukaldatzeko gaitasuna erakusteko unea da hau!
- 18:00 Erromeria eta sari-banaketa. Gorputza mugitu gura? Hurbildu zaitez eta gozatu Santa Marinako jaiez!