“Emakumeak osasunaren alde” programa doakoa izango da, eta 25 eta 65 urte arteko emakumeei zuzenduta egongo da. Helburua antsietatea eta eguneroko estresa kudeatzen ikastea, autozaintza sustatzea, ongizate emozionala hobetzea eta autonomia indartzea da.
Mankomunitateak azaldu duenez, 12 saio izango dira. Saioak urriaren 21ean hasiko dira eta urtarrilaren 27ra arte luzatuko dira, psikologo aditu baten gidaritzapean; eguaztenetan egingo dituzte, 16:30etik 19:00etara, Sopelako Kurtzio Kultur Etxean.
Parte hartzeko izena urriaren 14a baino lehen eman beharko da, 688 699 454 telefonora deituta; eta izen-ematearen aurretik, gainera, aurretiko elkarrizketa bat egingo zaie parte-hartzaileei.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!