Erakundeak azaldu duenez, azken urteetan gero eta zailagoa izaten ari da txapelketarako musikari, bertsolari eta epaileak topatzea, eta horiek "txapelketa ganoraz gauzatzeko ezinbestekoak" direla azpimarratu du. Musikariei dagokienez, trikitilari, panderojole, albokari eta abarrak bilatzen dituztela zehaztu dute, eta, bertsolarien kasuan, aldez aurretik idatzitako bertsoak abestu beharko dituztela azaldu dute.
Antolatzaileek horrelako talenturik edo prestutasunik duen edonor haiekaz harremanetan jartzeko eskatu dute, 688638387 zenbakira deituz edo esaera.zaharrak@aek.eus helbidera idatziz. Halaber, dohain horiek faltan dituztenei beste eskaera bat luzatu diete: mezua zabaltzen laguntzea.