Sopelako Udalak azaldu du garbigune mugikorra San Pedro elizaren ondoan egongo dela kokatuta (Akilino Arriola kalea 15), eta ekimen honek herritarrei ahalbidetzen diela ohiko edukiontzietara bota ezin diren hondakin txikiak eta bereziak erraztasun handiagogaz modu egokian birziklatzea.
Udalak adierazi duenez, zerbitzuak honako hondakin hauek onartuko ditu: etxeko tresna txikiak eta sukaldeko tresnak, etxeko olioa (ontzi itxian), sakelako telefonoak eta kablea, pinturak, disolbatzaileak eta aerosolak, kutsatutako xurgatzaileak, tonerrak eta tintazko kartutxoak, kapsulak (metalezkoak zein plastikozkoak), pilak, eta CDak, DVDak, kaseteak eta erradiografiak.
Informazio gehiago eskuratzeko, garbiker.bizkaia.eus/eu webgunea kontsultatu daiteke, edo 944 034 090 zenbakira deitu.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!