Larrabasterrako lehiaketako establezimenduei dagokienez, irabazleak El Parche (1.), Kux Kux (2.) eta Barinatxe (3.) izan dira, eta publikoak El Parche aukeratu du gogokoen gisa. El Parche tabernako pintxo irabazleak "Gure Sustraiak" du izena, eta honako hauek dira bere osagaiak: arepa, glasatutako iberiar hirugiharra, guakamolea, fruta tropikala eta txerri-azal kurruskaria.
Bestalde, Sopela erdiguneko lehiaketan, irabazleak Bar Gaiztoak (1.), Hor Konpon (2.), Ardo Berri (3.), Carpe Diem (4.) eta La Kala (5.) izan dira, eta azken hori aukeratu dute herritarrek gogokoen gisa ere. Gaiztoak tabernako pintxo irabazlea "Lorea" deitzen da, eta hauek dira bere osagaiak: orburua, masaila, tipula karamelizatua, perretxikoak, eta orburuaren bihotzagaz, Ibarrako piperrekaz, tabaskoagaz eta zitrikoekaz egindako tartarra.
Epaimahai profesionala Ainara Arce eta Manuel Gomez sukaldariek eta Mariely Heras sukaldaritza zale sopeloztarrak osatu dute. Epaimahaiaren sariez gain, 100 euroko bi sari banatu dira zozketa bidez herritarren artean, bana lehiaketa bakoitzeko.
Bigarren edizio honetan, guztira 14 establezimenduk hartu dute parte: Bar Barinatxe, Bar El Parche, Dompy kafetegia, Goxo Break eta Kux Kux Larrabasterran; eta Bar Ardo Berri, Elizpe kafetegia, Txindor kafetegia, Carpe Diem, Gaiztoak, Geltoki, Hor Konpon, La Kala eta Mur Mur Sopela erdigunean. Udalaren arabera, lehiaketan zehar lokalek batez beste 500-600 pintxo saldu dituzte eta, horrela, aurreko urteko lehen edizioko datuak gainditu dira.