Behin saioak amaituta, ateratako ondorioak partekatu dituzte antolatzaileek. Azaldu dutenez, euskarak Sopelan bizitzen duen egoeraren inguruan hausnartu zuten parte hartzaileek, eta hori hobetzeko egin daitekeenaren inguruan aritu ziren ere. Egoera hobetzeko kontuan hartu beharreko sektoreen artean, aisialdia (kultura eta kirola barne), sentsibilizazioa eta elkarteak izan zituztela berbagai adierazi dute.
Antolatzaileek jakinarazi dute hainbat partaidek erabaki dutela herritar orori irekitako laugarren saio bat egitea, gogoeta horietatik ekintzara pasatzeko elkarlanean aritzeko helburuagaz. Bilera hori azaroaren 12an egingo dela zehaztu dute, arrastiko 18:30ean Kurtzio Kultur Etxean (Mendieta kalea 11).