Udalak azaldu duenez, antzerkigilearen proposamena Sopelako herritarren parte-hartzetik eta talde eragile bategaz egindako lanetik abiatuko da, herriaren historia, nortasun eta interesak aztertuz, Sopelarentzat garrantzitsuak diren gaiak identifikatu eta proiekturako kontuan izan ahal izateko.
Ekimena datorren astelehenean, hilak 9, aurkeztuko da, arrastiko 19:00etan Sopelako Musika Eskolan (Iberre kalea 5). Saio horretan parte hartuko dute Alex Ygartua Kultibako bitartekariak, Guruzne Carrasson Torrontegi Sopelako alkateak, Itziar Lazaro Ardanza Kultura eta Hezkuntza zinegotziak, Udaleko Kultura Saileko teknikariek eta Olatz Gorrotxategi artistak. Udalak aurreratu du herrian garatuko den proiektu eszenikoaren nondik norakoak eta bertan parte hartzeko modua azalduko direla.