Udalak azaldu duenez, jarduketa honen helburu nagusia hiri-hezegune berri bat sortzea da, 10.000 metro koadro inguruko azaleran (udal kiroldegiaren eta Ugeragako futbol-zelaiaren parean), Gobela eta Lemotza ibaien arteko espazioaren balio ekologikoa nabarmen hobetzeko. Proiektuak 3.000 metro karratu baino gehiagoko ur-xafla iraunkorra, uretako hegazti eta anfibioentzako habitatak, eta uharte txikiak aurreikusten dituela zehaztu du.
Horregaz batera, ekimenaren bidez biodibertsitatea handitu gura dela esan du Udalak, baso atlantikoetako berezko landaredi autoktonoa berreskuratuz eta espezie inbaditzaileak kenduz. Gainera, oinezkoentzako bide berri baten bidez, herritarrei naturagaz harremanetan jartzeko espazio irisgarri eta jasangarri bat eskaintzen zaie, Udalaren esanetan.