Urtero egiten duen legez, genero ikuspegiko zine jardunaldiak antolatu ditu Urdulizko Inola emakumeen elkarteak. Hala, gaur, barikuaz, emango dute hurrengo pelikula. Oraingo honetan, "En tierra de sangre y miel" filma aukeratu dute. Martxoaren 6an, ostera, "Las maestras de la Republica" proiektatuko dute. Eta apirilaren 10ean "La cocinera del presidente". Emanaldi guztiak 19:00etan izango dira Urdulizko kultur etxean, sarrera doan.
"En tierra de sangre y miel" pelikula berbagai, 2011ko abenduaren 23an estreinatu zuten Amerikako Estatu Batuetan, Angelina Jolie aktoreak idatzitako gidoian oinarrituta.
2012an heldu zen Europako zinema aretoetara. Joliek berak zuzendu zuen. Hortaz, aktore estatubatuarrak gidatutako lehenengo filma dugu. Ikus-entzunezko lanak bosniar jatorriko emakume musulman batek eta serbiar soldadu batek osatutako bikotearen arteko amodiozko istorioa dauka oinarri, eta Bosniako Gerraren krudelkeriak zelan eragin zien kontatzen du.
Polemika piztu zuen filmak, besteak beste, Bosniak gertatu ziren bortxaketa masiboak ere gai bezala hartzen dituelako. Hori guztiagatik, Sarajevon grabatu beharreko irudiak Budapesten hartu behar izan zituzten, arazoak tarteko.
Bosniara Nazio Batuen Erakundearen (NBE) eskutik bidaiatu ostean bururatu zitzaion filmaren gidoia idaztea Angelina Jolieri.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
