Campusa Mungiako Larramendi ikastolan eta inguruetan egingo dute. Bertan, gazteek eskubaloian jokatuko dute, hondartzan zein pistan, begiraleakaz zein elitezko jokalariakaz. Haiekaz solastatzeko aukera ere izango dute. Gainera, tailerrak, gaubelak, ur-jarduerak eta kanpoko jokoak izango dira. Izena emateko, interesatuek klubarekin harremanetan jarri eta erreserba baieztatu ostean, 375 euroko diru-sarrera egin beharko dute Urdulizko saskibaloi-taldearen kontuan. Banku-agirian campusera joango den kirolariaren izen-abizenak ipini beharko dira. Horren ostean, izen-emate orria eta gurasoen baimena bete eta klubera bidali ahal izango da. Bueltan taldeak dena ondo dagoela konfirmatu eta campuseko argibideak bidaliko ditu posta elektronikoz.
Argibide gehiagorako: campusbase@urduliz.com / 692 705 161