Urdulizko 115 neska-mutilek izango dute aukera udalekuetara joateko, ekainaren 22tik uztailaren 17ra. Horretarako, beharrezkoa da gurasoek izen-ematea betetzea; gaur, beranduen.
3 eta 5 urte arteko umeentzat, 40 leku izango dira Urdulizko kultur etxean. Goizeko 10:00etatik 14:00etara hainbat jarduera egingo dute bertan. Halere, 10 familiak eskatuz gero, Udalak haurtzaindegi-zerbitzua jarriko du goizeko 08:30etik aurrera. Era berean, 6 eta 12 urte arteko 75 gaztetxok Plentziako eta Gorlizko hondartzetan gozatzeko aukera izango dute. Autobusa osasun-etxean edo udaletxean hartu beharko dute 09:30ean, eta 14:30erako bueltan joango dira. Eskaria eskaintza baino handiagoa bada, izena eman dutenen artean zozketa egingo lukete, hilaren 19an, 18:30ean, kultur etxean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun