Hain zuzen ere, liburutegiak hamar ordu gehiago irekiko du asteburu bakoitzean: zapatuetan, 16:00etatik 21:00etara, eta, domeketan, 09:00etatik 14:00etara. Liburutegiak zapatu goizetan irekiko du betiko moduan, 09:30etik 14:00etara, eta ordutegi hori ez da aldatuko. Beraz, ohi baino hamar ordu gehiago izango dira astebururo; 70 ordu guztira, bi hilabeteetan.
Maiatzeko eta ekaineko asteburu guztietan, aipatutako ordutegia ezarriko da, maiatzaren 23 eta 24ko asteburuan izan ezik, liburutegia udal hauteskundeetarako erabiliko baita, eta ez da, hortaz, ikasketa gela gisa eskainiko. Horrela, maiatzeko hiru asteburutan eta ekaineko lautan irekiko da liburutegia, ikasleen azterketen prestakuntza-aldiari laguntzeko asmoz.