Non eta zelan ordaindu
Ordainketa helbideratuta dutenek ez dute inolako kudeaketarik egin beharko, baldin eta bankuaren helbideratze kontuari eutsi badiote. Udalak tramitatuko du euren ordainketa. Helbideratutako ordainagiriak datorren eguenean, uztailaren 10ean, kargatuko dira kontuan.
Ordainketa helbideratuta ez dutenek, berriz, etxean jasoko dute hainbat inprimaki. Horiek honako bankuren batean aurkeztu ahal izango dute: Kutxabank, BBVA, La Caixa edo Banco Santander. Bertan, beharginei leihatiletan eman edo kutxazain automatikoetan eskaneatu ahal izango dute, barra kodea erabiliz.
Era berean, ordainketa Internetez egin daiteke, Eusko Jaurlaritzaren ordainketa-sistema bidez: www.euskadi.net/mipago
Inprimaki barik egotekotan
Udalak gogoarazi duenez, "inprimaki sorta ez jasotzeak edo ordaintzeko borondatezko epearen barruan ez jasotzeak ez du ezarritako epearen barruan ordaintzeko beharretik salbuesten. Inprimaki sorta jaso ez edo galtzen bada, Urdulizko Udaletxera joan beharko da bila".