Bilbao Bizkaia Ur Partzuergoko bilkura orokorrak onartu ditu datozen lau urteotarako zuzendaritza-taldea eta gainerako oinarrizko taldeak. Ricardo Barkala Bilboko alkateordea izango da erakundeko presidentea; Josu Bergara Sestaoko alkatea, berriz, zuzendaritza-batzordeko presidenteordea izango da. Gainerako bost kideak Urduliz, Abanto-Zierbena, Derio, Gordexola eta Iurretako alkateak izango dira.
Aukeraketa horregaz, batzorde osoa EAJko kideakaz osatuta egongo da, kontuetarako batzorde berezian gertatzen ez den bezala. Bertan, bilkuran parte hartzen duten alderdi politiko guztien ordezkariak daude. Gauzak horrela, aniztasun gehien duen batzordea da. Ahal Dugu-ko ordezkariek aniztasun hori eskatu dute Ur Partzuergoaren gainerako organoetan; presidente berriak agindu du aztertzeko gaia izango dela hori.
Zuzendaritza-batzordea Udal Sareako administrazio-kontseilua izango da. Udalerrietako bigarren mailako sareak kudeatzen dituen enpresa da Udal Sarea, Bilbao Bizkaia Ur Partzuergoko menpekoa.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
