Abenduaren hasieran ekingo diote Urdulizen Euskararen aldeko ekimenak egiteari. Bada, abenduaren 2an egingo dute Euskararen Egunaren harirako lehenengo ekimena; "Azken eguzki-lorea" antzezlana aurkeztuko dute egun horretan, Urdulizko kultur etxean. Patata Tropikala taldeak oholtzaratuko du antzerki-lana, arrastiko 06:00etatik aurrera. Horregaz, hurbildutako neska-mutilek euskal mitologiako jeinu, jainkosa eta beste pertsonaiak ezagutzeko aukera izango dute; esaterako, Mari eta Tartalo.
Euskararen Egunean, abenduaren 3an, ostera, "triki-bertso-poteoa" egingo dute herritik. Horretarako, Aitor Esteban eta Josu Landeta bertsolariak hurreratuko dira udalerrira, Basartena tabernatik hasita, jai-giroan euskararen aldeko poteoa egin, eta denek gozatzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!