Bizkaiko Garraio Partzuergoaren (BGP) Kontseilu Nagusia bildu zen atzo eguerdian, Bilbon. Partzuergoak erabaki zuen kontratu berri bi eskainiko dituela Urdulizko trenbide-pasagunea lurperatzen jarraitzeko eta lurpean geltoki berria eraikitzen segitzeko.
Urdulizko geltokiko seinaleen, altzarien eta bulego teknikoaren proiektua onartu zuten, 528.077,71 euroko aurrekontuagaz hasieran; enpresa esleipendunak lau hilabete izango ditu kontratua betetzeko.
Era berean, obra horren gainegitura lanen barruan, Urdulizko geltokiko txartelak saltzeko eta balidatzeko sistemaren instalazioentzako lehiaketa atera du Partzuergoak, 156.453,05 euroan eta fabrikatzeko eta instalatzeko 5 hilabeteko epeagaz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!