Julián Barrientosek irabazi du Urdulizko Sari Nagusia

Iker Rincon Moreno 2016ko ira. 9a, 13:17

Infisport taldeko Julián Barrientos txirrindulari argentinarrak irabazi zuen atzo Urdulizko Andra Mari Sari Nagusiaren 30. edizioa, 114 kilometrokoa. Barrientos esprintean nagusitu zen, ihesaldia egin zuen tropel txiki batean. Bigarren sartu zen Martí Marquez, Lizarte taldekoa, baina epaileek deskalifikatu egin zuten espaloira igo izanagatik. Proba Lehendakari Txapelketarako puntuagarria da.

Urdulizko lasterketan, Iñigo Elosegi eta Xabier Mikel Azparren gazte-mailako txirrindulariek hartu zuten parte, datorren astean lehiatuko duten Europako Txapelketarako prestakuntza gisa.

Urdulizko probaren ostean, hiru etapa baino ez zaizkio gelditzen Lehendakari Txapelketari: Bermeokoa, domekan, eta Oñati eta Zaldibiako probak, datorren asteko aste-akabuan. Erabateko ezustekorik ezean, Gotzon Martin Euskadi Fundazioko txirrindulariak irabaziko du sailkapen nagusia, distantzia izugarria eroaten baitio bigarren sailkatuari.

Urdulizko sailkapena

  1. Julián Barrientos (Infisport) 2.49.28
  2. David Casillas (Aldro Team) d.b.
  3. Jokin Exabe (Seguros Bilbao) d.b.
  4. Juan Antonio López-Cozar (Baqué-Campos Team) d.b.
  5. José María Rodríguez (Aldro Team) +0.11
  6. Urko Berrade (Lizarte) d.b.
  7. Oier Ibarguren (Parking Geltokia) +1:52
  8. Gorka Etxabe (Parking Geltokia) d.b.
  9. Xuban Errazkin (Baqué-Campos Team) d.b.
  10. Ibai Azurmendi (Euskadi Fundazioa – EDP) d.b.

Taldeka: Aldro Team

Tarteko helmugak: Julián Barrientos (Infisport)

Kirolak Urduliz
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun