Era berean, udal iturriek azaldu dute eraikinaren kanpoaldean ezarri izana ez dela akats bat izan, nahita pentsatutako erabakia baizik. Izan ere, bertan asteko zazpi egunetan eta eguneko 24 orduetan erabili daiteke desfibriladore hori. Bestalde, gailu horiek izaten duten ohiko arazoa da larrialdi kasuetan jendeak erreparoak dituela gaixoari deskarga elektrikoa ematerakoan. Horregatik, Udalak lau orduko formakuntza-ikastaro bat eman die herriko hainbat kirol talderi, euren kideek gailua zelan erabiltzen den jakin dezaten eta larrialdiren bat gertatuko balitz prest egon daitezen.