Osasun arazoak direla-eta, Nando Alonso Urduliz Futbol Taldeko entrenatzaileak bere ardurari utzi egin behar izan dio. Iker Casadok hartu dio lekukoa, Ohorezko Mailan. Casadok ondo baino hobeto ezagutzen du kluba, bigarren entrenatzailea eta koordinatzailea da-eta.
Gainera, Adrián Golvanoren laguntza du. Tekniko berria pasa den aste-akabuan estreinatu zen taldearen arduran, etxean, Abantoren aurka jokatutako partidan. Ezin izan zion Alonsori garaipena eskaini, baina kakarraldoek puntu bat batu zuten Iparralde futbol-zelaian, markagailuko 0-0 emaitzari esker.
Urdulizko futbol-taldea 13. postuan dago, Ohorezko Mailan, jaitsieratik hiru puntura.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!