Kultura  Urduliz 2017-05-29 10:35

Andra Mari jaietako lehiaketa bi, martxan

Urdulizko udako festak iragartzeko kartela eta kontzertuak hautatzeko deialdi bi egin dituzte egunotan.

Andra Mari jaietako lehiaketa bi, martxan
Urdulizko Andra Mari jaietako goitibeheren proba, artxiboko irudian. | Ikusi handiago | Argazki originala

Batetik, Andra Mari jaiak iragarriko dituen kartela aukeratzeko lehiaketa antolatu du Urdulizko Kultur Etxeak. Lanak postaz bidali zein lekuan bertan aurkez daitezke Urdulizko kultur etxean (Aita Gotzon, 16 - 48610 Urduliz), ekainaren 15eko 13:30era arte. Irabazleak 400 euro jasoko ditu.

Horrez gainera, ekainaren 17tik 24ra bitartean, kultur etxean egingo den erakusketan herritarrek aukeratzen duten lanaren egileak 100 euroko saria lortuko du. Eta beste saririk jaso ez duen urduliztar baten obrarik onenaren egileak, beste horrenbeste. Gura duten guztiek parte hartu ahal izango dute lehiaketan, eta gura beste lan aurkez daitezke; kartelaren gaia eta erabili ahal diren teknika eta koloreei dagokienez ez dago baldintzarik. Ostera, agertu beharreko testua hauxe da: «Urdulizko Jaiak - Andra Mari 2017».

Jaietan jotzeko taldeen deialdia

Bestetik, udalerriko musika-taldeei eta bakarlariei andramarietan jotzeko aukera eskaini die Urdulizko Jai Batzordeak. Gura dutenek ekainaren 10era arte izena eman dezakete. Aurreko urtean jo ez dutenek lehentasuna izango dute, eta udalerrian erroldatuta dagoen partaide bakoitzeko puntu bana jasoko du taldeak. Erabakia uztailaren lehenengo astean argitaratuko dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa