Iaz legez, Urdulizko Txiri-txiri ibilaldi bio-osasungarriak programaren barruan, Begoñako basilikarainoko ibilbidea egiteko hitzordua ipini dute: hilaren 14an, 23:00etan, Elortza plazan. Erromesaldian parte-hartu gura dutenek izena eman dezakete hilaren 12a baino lehenago, hau da, aste honetako zapatua izango da izena emateko azkeneko eguna.
Ibilaldian parte hartu gura dutenek whatasapp-mezu bat bidali behako dute, euren izen-abizenak adieraziz, ondoko telefono zenbakira: 605 766 473. Antolatzaileek ohartarazi dutenez, derrigorrezkoa izango da txaleko islatzailea janztea eta bekoki-linterna eroatea.
Urtero erromesaldia egiten dute bizkaitar askok Begoñako Andra Maria gurtzeko, abuztuaren 15ean. Aurreko gauean martxan ipitzen dira, oinez, hamaika herritatik Begoñako basilikarainoko (Bilbo) bidea egiteko. Urdulizen Txiri-Txiri ibilaldiak antolatzen dituztenek ere horretarako zita ipini dute: Elortza plazatik (udaletxe aurrekoa) irtengo dira datorren astelehen gauen, hilaren 14an, 23:00etan; Unbetik pasatuko da ibilbidea, eta mokadutxo bat jateko aukera izango dute ibiltariek hantxe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
