Klubak gaur jakinarazi duenez, abuztutik dabiltza matxura konpontzeko irtenbideren baten bila, eta lehenengo momentutik eta "ia egunero" jakinarazi zieten egoera Urdulizko Udalari eta obren arduradunei. Futbol-taldeko arduradunen esanetan, "elkarrizketa bakoitzaren ostean agindu izan digute hurrengo asterako konponduta egongo zela, baina oraindik gaude horretan. Gaur bertan, bilera izan dugu Udalagaz eta denak segitzen du berdin". Horren aurrean, Urduliz Futbol KLubak hartu du eskola-kiroleko entrenamenduak bertan behera uzteko erabakia, arazoa konpondu arte. Zuzendaritzak gogorarazi duenez, "arazoa ez da gurea, baina gu gara kaltetutakoak".
Eskola-kiroleko entrenamendu denak bertan behera utzi ditu Urduliz Futbol Taldeak
Iparralde futbol-zelaiko "eskola-futboleko entrenamendu denak bertan behera geratu dira", Urduliz Futbol Taldeko Zuzendaritzak gaur jakinarazi duenez. Izan ere, abuztutik ur bero barik daude, ondoko obrak direla eta. Udalari eta lanen arduradunei behingoz konponbide bat ipintzeko eskatu diete.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun