Jendartea  Urduliz 2018-03-12 13:44

Urdulizen aparkaleku berriak eraiki dituzte Elortzan

Aparkaleku publiko berria ipini dute Elortza eskolako atzealdean. Parkingean 24 leku daude eta, gainera,  motorrentzako hainbat toki ere badago.

Urdulizen aparkaleku berriak eraiki dituzte Elortzan
Urdulizen Elortzako atzealdean motorrentzako aparkalekuak ere ipini dituzte. © URDULIZKO UDALA | Ikusi handiago | Argazki originala

Proiektuaren oinarrizko helburua ez zen berez parkinga egitea, inguru horretako saneamendu-sarean jardutea baizik. Udal-iturriek adierazi dutenez, "leku hori arazo bat zen herriarentzat. Horregatik, eta obra hori aprobetxatuz, solar hori egokitu eta erregularizatu da aparkaleku publiko bezala erabili ahal izateko".

Hasiera batean, obrarako epea lau hilabetekoa izatea aurreikusi zuten. Baina, Elortza eskola handitze-obren ondorioz, espero ez ziren obra batzuk egin behar izan zituzten, saneamendu-sarean eta sare-elektrikoan. Horregatik, sei aste gehiago behar izan zuten obrak bukatzeko.

Urdulizko Udalak aparkalekuak ipintzeko diru-laguntza bat jaso zuen, Bizkaiko Foru Aldundiko Herri-administrazioaren eta Erakunde Harremanetarako Sailak emana. Hala, Udalak 30.236,44 eurotako diru-laguntza bat jaso zuen Aldunditik, maiatzaren 12an; baina, azaroan kantitate hori handitu egin zen beste 12.109,39 euroan. Denetara, aurrekontua 101.041,85 eurokoa izan da, zergak kontatu barik.

Urdulizen Elortzako atzealdean 24 aparkaleku berri ipini dituzte. © URDULIZKO UDALA

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa