Urdulizko Udalak omenaldia egingo die gaur iluntzean Gaztedi sokatira-taldeagaz munduko txapelketan dominaren bat lortu duten lau urduliztarrei. Ekimena 19:00etan izango da, kultur etxeko areto nagusian.
Honako hauek izango dira omenduko dituzten kirolariak: Ainhoa Ortega, Aitor Zabala eta Aitor Ugarte urduliztarrak eta Urdulizen bizi den Itziar Ansoleaga algortarra.
Txinako Xuzhou herrian burututako Munduko Goma Gaineko Sokatira Txapelketan, urrezko domina lortu zuen Ansoleagak 500 eta 540 kiloko probetan. Ortegak, berriz, 500koan urrezkoa eskuratu zuen, baina 540koan ordezko gisa geratu zen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
