Goizeko 07:30ean botako dute suziria, eta 09:00etan udalerria girotuko dute txistulariek. Rabu-txapelketan parte hartu gura dutenek 12:45era arte aukera izango dute izena emateko. 11:00etako mezaren ostean, herriko Maria Asla Ugarte amamari eta Pedro Celaya Eguren aititari gorazarre egingo diete. Iratxo Gorria dantza-taldearen erakustaldia 12:00etan izango da; eta goiz osoan ingurua girotzen ibiliko dira Auspokalekoak. Nagusientzako hamaiketakoa 13:00etan eskainiko dute txosnan; eta 13:30ean, lapikoak aurkezteko ordua izango da.
Zalantzarik ez dago urduliztarrak adituak direla buztan erregosia prestatzen. Izan ere, mende erdia baino gehiago daroate Txori Alaikoek antolatzen duten Rabu Egunean parte hartzen, eta egundoko platerak prestatzen. Hala, urduliztarrentzat uztailaren 14a egun handia izango da: goizean goiz ekingo diete egitekoei eta jai-giroari, Landan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun