Animaliak sortzen ikasiko dute neska-mutilek Urdulizen

Katu bat hostoez inguratuta. COPYLEFT NADI WHATISDELIRIUM - UNSPLASH

Lau urtetik gorako neska-mutilek gozatu ahal izango dute gaur animaliak sortzen, hostoakaz. Jolas hori proposatu die Uribe Kostako Zerbitzu Mankomunitatearen Iraunkortasun Saileko Ekogunek, gaurko, 17:00etatik 19:00ra arte, Urdulizko Antsonekoa plazan.

Ekogunek azaldu duenez, "Udagoiena heldu da, zuhaitzen adarrak lehortu dira eta euren hosto ederrak lurrera erori dira…". Hori baliatuta, adar eta hosto horiek batu eta "animali ikusgarriak" sortuko dituzte hosto-tailerrea: "oreinak, hontzak, txoriak.... udagoienak eskaintzen dizkigun koloreakaz animali ederrak egingo ditugu". Parte-hartzaile kopurua irekia da.

Animaliak sortzeko ikastaro praktikoa Inguru-minguru tailerren baitan eskainiko dute arrastian. Tailer horiek Mankomunitatea osatzen duten zazpi udalerrietan egiten dabiltza. Horien helburua da txikienei ingurumenarekiko errespetua sustatzea: baliabide naturalak modu egokian erabiltzearen arduraz sentsibilizatzea, hondakin gutxiago sortzearen garrantziaz jabearaztea eta birziklatzea eta berrerabiltzea bultzatzea, besteak beste.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun