Euskaraldiarekiko konpromisoa agertu dute urduliztarrek

Atzoko ekitaldiaren irudi bat. © URDULIZKO EUSKARALDIA

Ehun bat urduliztar izan zen atzo Euskaraldiaren agerraldian, Antsonekoa plazan.

Herriko hainbat elkartek parte hartu zuten ekimenean, tartean Iratxo Gorria dantza-taldea, Iretargi kultur elkartea eta Urduliz Futbol Taldea; norbanakoek legez, euren konpromisoa adierazi zuten agerraldian, ariketa sozialaren antolatzaileek zabaldu dutenez.

Belarriprest- eta Ahobizi-rolen txapak banatu eta Hamaikakoa aurkezteaz gainera, bertaratutakoek festa-giroaz gozatu zuten.

Ekimenean, gogorarazi zuten Euskaraldia bariku honetan hasi eta abenduaren 3an amaituko dela. Euskaraz bizitzeko 11 egun horien barruan, abenduaren 2an, domeka, Urdulizko Euskaraldiaren bertso-ibilaldi bat egingo dute, Antsonekoa plazatik aterata, goizeko 10:00etatik aurrera.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun