Euskaraldia

Mugaren gainetik euskarak bizi duen egoera erakutsiko dute Urdulizen, dokumental baten bidez

Bariku honetan, azaroaren 30ean, "Faire la parole" (Hitza egin) dokumentala proiektatuko dute Urdulizko kultur etxean, doan, 20:00etan. Euskaraldiaren barruan kokatuta dago ekimena.

Eugene Green idazle eta zinemagile estatubatuar-frantsesak filmatu zuen dokumentala 2014an, euskaraz. Iaz estreinatu zuen. 116 minutuan, lau gazte Euskal Herrian barna segituko ditu filmak, gure hizkuntzari eta kulturari buruz mintzatzen, euskaraz. Izan ere, Greenek hainbatetan azaldu du euskara eta euskal kultura maite dituela.

Berba egiten den hizkuntzaren arabera nola bizi den kontatzeko, euskaraz bizitzea erabaki duen mugaren alde bietako gazte-talde euskaldun baten arteko komunitate ikusezina marrazten duen filma da. Menditik eta bakoitzaren identitatetik bidaia bat egiten duen nerabe-taldean zentratzen da, bereziki. Zortzi minutuko aurrerakin luzea hemen ikus daiteke.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun