Jendartea  Urduliz 2019-03-21 12:07

Indarkeria matxistaren kontra sentsibilizazio-kanpaina egingo dute Urdulizen zapatuan

Kerman Santiago Alkorta

Urdulizko Udalak, Uribe Kostako Zerbitzu Mankomunitateak eta Andra Barriak Emakumeen kontseiluak 2017. urtean ekin zioten indarkeria matxistaren kontrako kanpainari. Urdulizen esku-hartze prozesua gauzatu gura dute, eta zapatuan ekintza egingo dute, 11:00etan, Inola elkartearen egoitza ondoan.

2017. urtean zuhaitz baten irudia ipini zuten Inola elkartearen emakumeen etxearen lorategian, Andra Barriak emakumeen Kontseiluak eta Uribe Kostako herri guztiek. Zapatuan, ibilbidea egingo dute eskulturatik udaletxera. Kanpainarako espresuki diseinatu diren plakak ipiniko dituzte Urdulizko zenbait lekutan, ibilbidea egin bitartean.

Herrian irudikatuko den herritarren ituna Urdulizko eskubaloi taldeak proposatu du, eta ekitaldia egin ondoren eskubaloi taldeko jokalariek ekitaldi honetarako omenezko partidua jokatu dute.

Urdulizko herritar guztiei dei egin die Udalak, zapatuko ekintzan parte har dezaten “emakumeen eskubideak aldarrikatzeko”.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa