Mende laurdena ospatuko du barikuan Inola Urdulizko Emakumeen Elkarteak

Hogeita bost urte ez dira beti betetzen; hori dela eta, urtemuga hori ospatu guran, egun berezia antolatu du Inola Urdulizko Emakumeen Elkarteak barikurako, hilaren 14rako. Lehenengo hitzordua 18:30ean jarri dute, Urdulizko udaletxearen ondoko plazan, Reperkusion Feminista Batukada taldeagaz bertatik Inolaren bulegora arte dantzan ibiltzen joateko. Ondoren, taldeko terapia egingo dute Gemma Martinez aktoreagaz.

Udaletxetik Torrebarri bidean Elkarteak duen bulegora arteko bidea egin ondoren, 19:30ean, taldeko terapia egingo dute. Horretarako, Gemma Martinez aktorea gonbidatu dute, eta hurrengo gauzez arituko dira:

  • Zelan izango da etorkizuna?
  • Zergatik maitasunari ematen diogu hainbeste garrantzia?
  • Zergatik burutzen ditugun lan batzuk ez gaituzte asetzen?