Koronabirusa Uribe Kostan

Urdulizko Udalak jendearentzat irekitako udal-instalazio denak itxi ditu

Koronabirusaren krisia dela eta, jendearentzat irekitako udal-instalazio denen erabilera aldi baterako eteteko erabakia hartu du. Taldeko jarduerak, ikastaroak eta ekimenak ere etenaldia izango dute, printzipioz martxoaren 23ra arte, egun hori barne.

Horrez gainera, Urdulizko Udalak pertsonen kontzentrazioak saihesteko neurriak hartuko ditu, ahal den neurrian. Hala, udaletxera behar-beharrezkoa denean bakarrik gerturatzeko deia egin diete herritarrei. "Eskaerei erantzuteko, herritarren arreta indartu egingo da telefono bidez 946 762 061, baliabide telematikoak eta antzekoak erabiliz", azaldu du Udalak ohar baten bidez.

Informazio gehiagorako, sartu hemen.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun