Koronabirusa Uribe Kostan

Santamariñeko jaiak eta rabu lehiaketa, bertan behera

Inguruko gainontzeko udalerriek hartutako erabakiei jarraituta, aurtengo Santamariñeko jaiak eta Txori Alai elkarteak antolatutako rabu lehiaketa tradizionala bertan behera uztea erabaki du Urdulizko Udalak: "Erabateko erantzukizunarekin hartu dugu erabaki zail hau, eta beste edozein kontsiderazioren gainetik, urduliztarron segurtasuna eta osasuna izan dira lehentasunezko arrazoiak".

Urdulizko Udalak azaldu duenez, konfinamendua arintzeko prozesuan "urrats egokiak" eman dituzten arren, jende ugari biltzen duten ekitaldiak egiteak ezinezkoa egin lezake ezarritako arauak egitea. Izan ere, egoera horietan, zaila da jendearen edukiera, sarbideen kontrola eta pertsonen arteko distantzia bermatzea, kutsatzeko aukerak areagotuz. Hala, ekitaldi jendetsu horiek bertan behera uztea erabaki dute udal arduradunek.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun