Pandemiaren ondorioz bertan behera geratu da aurten Santa Marina eguneko jaia, baina Urdulizko Udalak data horretan egin ohi den ekitaldietako bati eustea erabaki du: azken urtean ama izan direnen omenezko ohorezko aurreskua. Antsonekoa plazan egingo dute ekitaldia, datorren astelehenean.
Zehazki, iazko uztailaren 1etik aurtengo uztailaren 1era bitartean umea eduki duten amei eskainiko zaie aurreskua. "Ohi baino ekitaldi xumeagoa izango da", esan du Udalak, "segurtasun-arau berrietara egokitua". 19:00etan hasiko da emanaldia.
Ama izan diren eta joateko asmoa duten emakumeei ohartarazteko eskatu die Udalak. Horretarako, 94 676 20 61 telefonora deitu edo sarrera@urduliz.eus helbidera idatzi beharra dago uztailaren 17a baino lehen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!