Bost urte igaro dira Urdulizko ospitaleak ateak ireki zituenetik. Ordutik, langileek deitoratu dutenaren arabera, goizeko eta arrastiko txandetan lan egin arren, bertako profesionalek ez dute txanda-osagarririk jaso. Ohar baten bidez salatu dutenez, "Mariluz Marquesek, Uribe ESIko gerenteak, langileei ohiko, legezko eta bidezko osagarria ez ordaintzeko erabakia hartu zuen, txandakako txandetan lan egiteak edozein langileren bizitzan duen eragina kontuan hartuta".
Langileek azaldu dutenez, Auzitegi Gorenak epai bat eman du txanda-osagarria jasotzeko bete behar diren baldintzak argitzen dituena, "eta baldintza hori da langileen artean txandakatzea". Hala, sindikatuek azpimarratu dute Uribe ESIko dozenaka profesionalek betetzen dutela hori, "gaur egun eskubideak modu arbitrarioan murriztuta, eta azken urteetan metatutako galera ekonomiko handiarekin jarraitzen dute".
Horregatik guztiagatik, SATSE, ELA, LAB, CCOO, UGT, ESK eta SAE sindikatuek mobilizatzeko deia egin diete langileei, Uribeko gerentziari eta, beraz, Osakidetzako zuzendaritzari eskatzeko "legezko eta bidezko osagarria" ordain diezaiela langileei. Mobilizazioei hasiera emateko, elkarretaratzeak egingo dituzte Urdulizko ospitaleko atarian, eguaztenero, 11:00etan, datorren azaroaren 25etik aurrera, "Zuzendaritzaren eta Osakidetzaren jarrera aldatu arte".
Zuzendaritzaren pasotismoaren aurrean, txandakako osagarriaren alde borrokatzen jarraitzen dugu.
— ESK Osakidetza (@EskOsakidetza) November 10, 2021
Ante el pasotismo de la Dirección, en Urduliz seguimos peleando por la turnicidad pic.twitter.com/oPvP1LwvWy