Udalak jakinarazi du Bizkaiko Foru Aldundiko diru-laguntza bat jaso duela proiektua aurrera eramateko. Hala, udalerriko 2000ko Arau Subsidiarioaren berrikuspenaren Testu Bateginak aurreikusten zuen bidea gauzatuko dute, hegoaldetik egungo Iturriondo kalearekiko paraleloan doana, Elortza auzoko biribilgunea eta Aita Gotzon kalea Elortza LHI ikastetxearen parean lotzen dituen kale bat sortuz, 360 metro ingurukoa.
Arduradunek azaldu dutenaren arabera, bide berriaren trazadura etxebizitzekiko paraleloan joango da, oinezkoentzako ibilbideak bermatuz alde bietan espaloiak eta pasabideak jarrita. Horren bitartez, udalerriko hirigune bietako baten zirkulazioa arindu gura du Udalak.
Obrak osorik garatzeko aurrekontua 870.294,45 eurokoa da (BEZ barne); zenbateko horretatik, Udalak 37.203,94 euroko laguntza jaso du Bizkaiko Foru Aldunditik.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!