Iñaki Bilbao Gaubeka eta Gorka Martinez Ahedo preso urduliztarrak hirugarren gradura pasa dira

Euskal presoen eskubideen aldeko mobilizazioa, artxiboko irudian.

Etxerat euskal preso eta iheslari politikoen taldeak jakinarazi du preso urduliztar biak Basauriko espetxean daudela eta joan den barikuan, maiatzak 20, hirugarren gradura pasa zirela. Azaldu dutenez, azken asteetan tratamendu-batzordetik pasatu dira haien espedienteak, eta hirugarren gradua lortzearen aldeko proposamenak jaso zituzten.

Iñaki Bilbao Gaubeka urduliztarra 24 urte daramatza espetxean, eta 2017n bete zituen bere zigorraren hiru laurdenak. Basauriko espetxean izan aurretik, Madrilgo espetxeetan eta Zuerako kartzelan egon zen.

Gorka Martinez Ahedo presoa ere Urdulizkoa da. 24 urte eta erdi daramatza preso eta Frantzia, Andaluzia, Extremadura eta Galiziako espetxeetan egon da. Basauriko espetxera ekarri aurretik, El Duesoko espetxean egon zen. 2015ean zigorraren erdia bete zuen.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun